ማህበሩ በአሜሪካ የሀገር ውስጥ ገቢ ህግ (U.S.Internal Revenue Code 501 3 C ) ለትርፍ ያልተቋቋመ ፤ከማንኛውም ፖለቲካ ፤ ሃይማኖት ፤እና ዘር ገለልተኛ የሆነ ፤ ኢትዮጵያዊነትን ብቻ መሠረት ያደረገ ሲሆን ፤ ዓላማው ፦ አንድ አባል ወይም ቤተሰቡ ከዚህ ዓለም በሞት ሲለይ በመተዳደሪያ ደንቡ መሰረት ለቀብር ማስፈፀሚያ ወይም አስከሬኑን ወደ ኢትዮጵያ ለመላኪያ የሚሆን የገንዘብ እርዳታ በማድረግ እርስ በርስ ለመረዳዳት ነው።

ልጆች ማለት፦ከአባሉ አብራክ የተወለዱ፤በህጋዊ ማደጎ ወይም ጉዲፈቻ የተገኙ ፤እድሜያቸው ከ18 አመት ያልበለጡ ወይም የኮሌጅ /ዩኒቨርሲት ተማሪ ሆነው እድሜያቸው ከ23 አመት ያልበለጡና፤ በወላጆች ድጋፍ አብሮ የሚኖሩ የጋራ ልጆች፤ የባል ወይም የሚስት ልጆች ወይም በህመም (በበሽታ) ምክንያት ወይም አካለ ስንኩል ሆነው የቤተሰብ ጥገኛ ሆነው እድሜያቸው ከ18 አመት በላይ የሆኑ ማለት ነው።

ቤተሰብ ማለት፦የማህበሩ አባል የሆኑ ባልና ሚስት ፤ እድሜያቸው ከ18 አመት ያልበለጡ ወይም በኮሌጅ/ በዩኒቭርሲቲ በመማር ላይ ያሉ እድሜያቸው ከ23 አመት ያልበለጡ) ፤በአባል ቤተሰብ የሚረዱና ከአባሉ ጋር የሚኖሩ ልጆች ማለት ነው።

አንድ የመረዳጃ ማህበሩ አባል ለመሆን የሚፈልግ ሰው ለአባልነት የተዘጋጀውን ቅጽ ሞልቶ በመፈረም ያመለክታል።ባለትዳር ከሆኑና 18 ዓመት እድሜ ያልበለጡ ልጆቻቸውን በመዘርዘር ከባለቤቱ ጋር ቅጹን በመሙላትና በጋራ በመፈረም አባል ለመሆን ያመለክታሉ።